சென்னை வானிலை ஆய்வு மைய இயக்குநர் பா.செந்தாமரைக் கண்ணன் வெளியிட்ட செய்திக்குறிப்பில், “தமிழ்நாடு நோக்கி வீசும் கிழக்கு திசைக் காற்றில் வேக மாறுபாடு ஏற்பட்டுள்ளது. இதன் காரணமாக இன்று ஜனவரி 23ஆம் தேதி தமிழ்நாடு கடலோர மாவட்டங்கள் மற்றும் அவற்றை ஒட்டிய மாவட்டங்கள், புதுச்சேரி, காரைக்கால் பகுதிகளில் ஓரிரு இடங்களில் லேசான அல்லது மிதமான மழை பெய்யக்கூடும்.
நீலகிரி மாவட்ட மலைப் பகுதிகளில் இரவு நேரங்களில் ஓரிரு இடங்களில் உறை பனி நிலவ வாய்ப்புள்ளது. நாளை ஜனவரி 24ஆம் தேதி தென் தமிழக மாவட்டங்கள், டெல்டா மாவட்டங்கள் மற்றும் அவற்றை ஒட்டிய மாவட்டங்கள், காரைக்கால் பகுதிகளில் ஓரிரு இடங்களில் லேசான அல்லது மிதமான மழை பெய்யக்கூடும்.
ஜனவரி 25, 26ஆம் தேதிகளில் தமிழ்நாடு கடலோர மாவட்டங்கள், அவற்றை ஒட்டிய மாவட்டங்கள் மற்றும் புதுச்சேரி, காரைக்கால் பகுதிகளில் ஓரிரு இடங்களில் லேசான அல்லது மிதமான மழை பெய்யக்கூடும்.
சென்னை மற்றும் புறநகர்ப் பகுதிகளில் அடுத்த 48 மணி நேரத்தில் வானம் ஓரளவு மேகமூட்டத்துடன் காணப்படும். ஓரிரு இடங்களில் லேசான மழை பெய்யக்கூடும். அதிகபட்ச வெப்பநிலை 30-31 டிகிரி செல்சியஸ் மற்றும் குறைந்தபட்ச வெப்பநிலை 22-23 டிகிரி செல்சியஸ் அளவில் இருக்கக்கூடும். மேலும் காலை வேளையில் லேசான பனிமூட்டம் காணப்படும்.
ஆளுநர் மாளிகையை ஆஸ்பத்திரியாக மாற்றிவிடலாம்… வைகோ யோசனை!
மீனவர்களுக்கான எச்சரிக்கை:
இலங்கையை ஒட்டிய தென்மேற்கு வங்க கடல் பகுதிகளில் சூறாவளி காற்று மணிக்கு 40 முதல் 50 கிலோ மீட்டர் வேகத்திலும் இடையிடையே 60 கிலோ மீட்டர் வேகத்திலும் வீசக்கூடும். இதனால் மேற்குறிப்பிட்ட நாட்களில் மீனவர்கள் இப்பகுதிகளுக்கு செல்ல வேண்டாமென்று அறிவுறுத்தப்படுகிறார்கள்” என்று தெரிவிக்கப்பட்டுள்ளது.
Source: https://news.google.com/__i/rss/rd/articles/CBMirAFodHRwczovL3RhbWlsLnNhbWF5YW0uY29tL2xhdGVzdC1uZXdzL3N0YXRlLW5ld3MvdGFtaWwtbmFkdS1wdWR1Y2hlcnJ5LWlzLWxpa2VseS10by1yZWNlaXZlLXJhaW4tYWNjb3JkaW5nLXRvLXRoZS1jaGVubmFpLW1ldGVvcm9sb2dpY2FsLWRlcGFydG1lbnQvYXJ0aWNsZXNob3cvOTcyMzc5NDAuY21z0gGwAWh0dHBzOi8vdGFtaWwuc2FtYXlhbS5jb20vbGF0ZXN0LW5ld3Mvc3RhdGUtbmV3cy90YW1pbC1uYWR1LXB1ZHVjaGVycnktaXMtbGlrZWx5LXRvLXJlY2VpdmUtcmFpbi1hY2NvcmRpbmctdG8tdGhlLWNoZW5uYWktbWV0ZW9yb2xvZ2ljYWwtZGVwYXJ0bWVudC9hbXBfYXJ0aWNsZXNob3cvOTcyMzc5NDAuY21z?oc=5
